Saffron Bane гэгдэх артистын жинхэнэ нэрийг Бат-Эрдэнэ гэдэг. Тэрээр анх цаг нөхцөөх маягаар богино хэмжээний дуунуудыг хобби маягаар хийдэг байсан ч яваандаа хийж байгаа зүйлдээ улам дурласнаар 2020 онд "ERDENE" label-д артистаар орж карьерынхаа гарааг эхлүүлсэн.
Одоогоор түүний 30 гаран дуу интернэтээр хэдийн цацагдсан бөгөөд хүмүүсийн сайн мэддэгээс дурдвал Gantsaaraa, Фаакбооё, Buudger зэрэг дуунууд нь хамгийн өндөр хандалт авсан. Тэрээр уран бүтээлээ голцуу ганцаарчилж хийдэг ба студи дээр хийснээс гэртээ хийсэн нь илүү үр бүтээлтэй, эрх чөлөөтэй гэж үздэг. Тэрээр нэг төрлийн дуунаас амархан уйддаг учраас эрч хүчтэй үедээ үглэж, emotional үедээ дуулах илүү дуртай. Тиймдээ ч түүнд яс тогтсон урсгал гэж байдаггүй.
