Molboyz эрээп хамтлаг нь 2017 оноос эхлэн Hip Pop жанраар уран биш ч байж магадгүй бүтээлүүд хийж эхэлсэн билээ. 2017 онд гаргаж байсан Mollove дуу нь тухайн үеийн хамгийн их хандалттай дуу болж олон хүмүүсийн шүүмжлэлийг дагуулж байв. Molpedia TV гэх нэрээр саркастик богино хэмжээний бүтээл хийдэг залуусын бий болгосон энэхүү хамтлаг нь саркастик хэв маягтай дуунцар гэж нэрлэгдэх бүтээлүүдээс гадна өөрсдийн сонирхлоор Жинхэнэ дуунууд хийдэг билээ. Одоогийн байдлаар Эрээпэр Ганаа, Мони, МС Алтак, Хатнаа гэсэн дөрвөн хүний бүрэлдэхүүнтэй байна.