Quiza буюу түүний нэрийг Бавуугийн Батцэнгэл гэдэг. Уран бүтээлийн гараа нь 1998 онд Jason (Gulliver), Мөнхөө (Ice), Сүхээ (Dog) Анхаа (Skitzo), Beni, Quiza, түүний төрсөн ах Болдоо (D-Lob) нар нийлж хип хоп хамтлаг байгуулсан нь Lumino байсан бөгөөд "Өвөл" дуун дээрээ ажиллаж байсан ба удалгүй Quiza тус хамтлагаас гарсан.1999 оноос бие даан дууны үг бичиж эхэлсэнээр BB Chain хамтлагт нэгдэж анхны тайз нь 2000 оны 7 сарын 11 нд ТOP TEN-д болсон хип хоп шоу байсан мөн BB Chain "Гинжний доргилт" хэмээх тоглолтоо 2000 оны 9 сарын 29-нд Улсын циркт тоглосон нь тус хамтлагын анхны бөгөөд сүүлийн тоглолт байлаа.2005 оноос эхэлж бие даан уран бүтээл хийж эхэлсэн ба 2006 оны нэг сард “BAT Home studio”-д бичүүлсэн “Таавар мэт” цомогоо худалдаанд гаргасан бол "Хийморийн сан" цомгоо 2006 оны 11 сард худалдаанд гаргасан байна. Quiza нь уран бүтээлчидтэй хамтран болон продюсерлэж эхэлсэн байна. Дуучин Болд, Ука, Эгшиглэн, Сэрчмаа, Сарантуяа, The Lemons, BX зэрэг залуучуудын сонсох дуртай маш олон уран бүтээлчидтэй хамтран ажилладаг.